منهجية تحليل قولة فلسفية .
دروس الفلسفة للثانية باكالوريا .
الإستعداد للإمتحان الوطني .
كيفاش نقوم بتحليل قولة فلسفية ؟
أولا : بالنسبة للمقدمة .
غادي تشوف شنو هي المفاهيم لي في القولة باش تقدر تحدد الإطار العام ديالها .. يعني مثلا : من خلال المفاهيم المتضمنة في القولة ( ذكر المفاهيم ) يتضح بأنها تندرج ضمن مجزوءة( ذكر المجزوءة) وتعالج مفهوم (ذكر المفهوم ثم المحور الذي يرتبط به) وفي ضوء هذه المفاهيم يمكن أن طرح الإشكالات التالية ... ( طرح الإشكاليات المرتبطة بالقولة ) .
ثانيا : بالنسبة للتَّحليل .
غادي تقول مثلاً .. من خلال معالجتنا للإشكالات المتضمنة في القولة ( تشرح مفاهيم القولة وتقول شنو هي العلاقة بيناتهم ) فإن صاحب القول يستعرض أطروحة أساسية بخصوص ( ذكر تلمفهوم ) مفادها ( ذكر الأطروحة ) وتبين كيفاش هو دافع على الأطروحة ديالو وهذا من خلال طريقتين .. أولا : من خلال الحجج لي فيها ( البنية الحجاجية ديالها ) ثانيا من خلال الروابط المنطقية لي استعملها .. لقيتيهم في القولة مزيان مكانوش فيها معليهش .. ملاحظة : حاول تراجع الروابط المنطقية وبعض الحجج باش تبقى عاقل عليهم وتشرحهم مني تلقاهم في شي قولة واخا .. يلاه نكملو دابا وتقول كا تتمة لهادشي لي كتبتي .. من خلال أطروحة صاحب القولة ألا يمكن تقديم أطروحة بديلة لهذا الموقف باستعراض موقف ( أطروحة معارضة ) تناقش المواقف بزوج وذكر شنو هي الحجج ديال الفيلسوف المعارض أو المؤيد وشنو هي الأمثلة لي تكلم عليها إلى كانت .. ممكن توظف ثلاث مواقف مؤيد ومعارض وموقف تركيبي إلى كان بامكانك تزيد موقف تركيبي ...
ومن بعد في الخثام دير تلخيص لهادشي لكتبتي كامل .. وتقول الموقف الشخصي ديالك .. ثم تخرج بإشكال أو سؤال مفتوح .. عندو علاقة بالمحور أو المجزوءة الموالية للمفهوم لي تكلمتي عليه إذا أمكن .. أو تكتفي فقط بطرح سؤال مفتوح من اختيارك نتا ...
وهاكا نكونا سالينا تحليل القولة " كل التوفيق "
أفضل منهجية لتحليل السؤال الفلسفي :
إرسال تعليق