التقنية خاصية انسانية - دروس أولى باك -

منهجية تحليل نص الفلسفي .
الإستعداد للإمتحان الوطني .
دروس الفلسفة الثانية باكالوريا .

كيفاش ممكن نقوم بتحليل نص فلسفي  ؟ 

بدايةً خاصك تعرف بلي الكتابة الفلسفية كتعتمد على منهجيات وطرق خاصة في الكتابة .. وهذا كيعني بلي كينا  خطوات مهمة كيخصك تمر منهم باش تكون الكتابة ديالك صحيحة .

أول حاجة كنبداو بيها وهي مطلب الفهم .

هاد المرحلة مهمة بزاف لحقاش من خلالها كنبني النص ديالي وكنحدد الإطار والسياق لي غادي نتكلم عليه .. فا الى كانت هاد المرحلة خاطئة فا بطبيعة الحال غادي نخرج على الموضوع .. ولكن متخافش فا النص فيه مفاهيم فلسفية وأفكار غادي تساعدك باش تعرف الموضوع ديالو.. لي كيخصك دير  وهو تقراا النص مزيان فقط ..

أجي دابا نتكلمو على مطلب الفهم .. شنو هي الخطوات ديالوو ..

أولا : تحديد الموضوع .. كيخصني نحدد الموضوع لي كيتكلم عليه النص .. أشمن مفهوم كيتكلم عليه النص بالضبط .. ممكن نحدد موضوع النص سواءا من خلال السياق التاريخي .. أو الثقافي . أو من خلال الواقع المعاش ديالي ..

ثانيا : تحديد القضية التي يعالجها النص : هنا كنتكلمو على موضوع النص وهذا من خلال المحاور لي مرتبطة بيه .. فا كل مفهوم كيفما درسنا كيرتبط بمحور معين .. اذا كي خصني نعرف شنو هو هاد المحور لي مرتبط بيه المفهوم ديالي باش يسهال علياا نعرف شنو هي المواقف والأطروحات الفلسفية لي متعلقة بيه .

ثالثا : صياغة الأسئلة .. اذا نتا ذكرتي الموضوع ديال النص وعرفتي اشمن محور مرتبط بيه.. اذا لي كيخصك هو طرح بعض الاشكالات الفلسفية لي مرتبطة بيه  .

الصياغة ديال مطلب الفهم ممكن تكون على النحو التالي :

مما لاشك فيه بأن مفهوم ( ... ) قد احتل مكانة مهمة في تاريخ الفلسفة، إذ نجد بأن العديد من المفكرين والفلاسفة قد أولو اهتماما بالغا بدراسة هذا المفهوم، كلٌ على حسب اختصاصه ورؤيته الخاصة، وقد أفرز هذا النقاش الفلسفي بينهم، وجود تعارض واختلاف في مواقفهم وتصوراتهم الفلسفية، والنص الذي نحن بصدد تحليله ومناقشته يندرج في إطار نفس المفهوم ( ... ) والذي يرتبط بمسألة ( ذكر المحور )، وعلى ضوء كل هذا يمكن بسط الإشكالات التالية : 
طرح الإشكالات الفلسفية ...

ثانيا : مطلب التحليل ..

أول حاجة معانا في هاد المرحلة وهي تحديد الأطروحة .. الأطروحة ساهل باش تستخرجها .. فقط قرا النص مزيان وحاول تعرف شنو هي المفاهيم لي كيتكلم عليها .. فا من خلال المفاهيم الواردة في  النص كتعرف شنو هي الأطروحة ديالو لحقاش كيكون سبق ليك تعرفتي لهاد الأطروحة من قبل فهي في النهاية غادي تكون مرتبطة بذاك شي لي درستي ..

باش تبدا الكتابة ديال الاطروحة ممكن تكتب :

- يدافع صاحب النص على أطروحة اساسية مفادها أن .. 
- يتضمن النص الذي بين أيدينا اطروحة أساسية يتجلى موضمونها في ما يلي .. 

ثالثا : البنية المفاهيمية .

فا كيفما قلنا فا النص الفلسفي كيتبنى على مجموعة من المفاهيم الفلسفية .. فا حاول نتا تستخرج هاد المفاهيم .. وتقوم بالشرح ديالها .. ثم تقوم بتحديد العلاقة لي موجودة بيناتها .. وهذا كيعني بلي نتا خاصك تكون عارف تشرح المفاهيم .. فا كل درس عرف شنو هي المفاهيم ديالو وفهمها مزيان .. شنو مفهوم الشخص . شنو كتعني الحرية .. وشنو كتعني الهوية .. وشنو هي العلاقة لي كتربط ما بين هاد المفاهيم إلخ .

باش تحدد بنية النص المفاهيمية ممكن تكتب ..

لتحليل أطروحة النص وفهمها أكثر فلابد من الوقوف عند بنيتيها المفاهيمية .. فالنص يتضمن بنية مفاهيمية غنية نذكر منها مفهوم ( شرح أول مفهوم موجود في النص ) هذا بالإضافة  إلى مفهوم آخر تناوله صاحب النص ألا وهو مفهوم ( شرح المفهوم الثاني ) إلخ

رابعا  : البنية الحجاجية .

كل نص فلسفي كيتبنى على بنية حجاجية، وظيفة هاد البنية هي تدعيم أطروحة صاحب النص،  وبيان تماسكها المنطقي .. كينا بزاف ديال الآليات الحجاجية لي ممكن يضمنها النص .. كناخذ منها شي لي قدرت عليه ( من ثلاثة لأكثر ) .

ممكن نكتب في تحليل حجاح النص بما يلي ..

للدفاع عن أطروحته وبيان تماسكها المنطقي فقد اعتمد صاحب النص على جملة من الآليات الحجاجية المهمة نذكر منها ( ذكر الآليات وتحديد وظيفة كل واحد منها ) 

من هاد الآليات ممكن نلقاو التعريف، الإتباث، المقارنة، المثال، الحجة بالسلطة، الإستشهاد الخ .

خامسا : المناقشة 

اول حاجة وهي بيان قيمة الأطروحة وأهميتها ..

تكمن قيمة أطروحة النص في تأكيدها على ( ذكر ما يتضمنه النص ويؤكده ) ..

من بعد تحديد قيمة الأطروحة .. كنستحضر المواقف الفلسفية لي غادي تساعدني على مناقشة النص وعلى اغناء النقاش الفلسفي .. هاد المواقف تقدر تكون مؤيدة لصاحب النص كيفما تقدر تكون معارضة ليه ..

تقدر تبان ليك بعض المرات بلي المواقف الفلسفية متقاربة ولكن فا كل فيلسوق كتكون عندو رؤية خاصة وطرح فلسفي متميز .. فا ممكن مثلا نتافق أنا وياك بلي الشخص كائن حر .. ولكن ممكن نختالفو في المحددات لي غادي تخلينا نقولو  بلي الشخص كائن حر .. هاد الكلام كيعني بلي نتا تقدر تجيب أطروحة مؤيدة لصاحب النص وتناقشها بيها وتكون قدرتي تحقق مناقشة فلسفية .. 

تقدر تكتب في هاد المرحلة ما يلي :

 لتأكيد الأطروحة التي جاء بها صاحب النص يمكن استحضار موقف الفيلسوف ( اسمه ) و  ( موقفه مع الشرح ) هذا بالإضافة الى موقف الفيلسوف ( اسمه  ) والذي يرى بأن ( موقفه مع الشرح ) ... 

هل يمكن الوقوف عند تصور صاحب النص فقط لا فهناك فيلسوف اخر ( ذكر اسمه ) يعارض هذا التصور ويتبنى تصور اخر  مفاير تماما له إذ يرى ( ذكر موقفه ) ..
في مقابل هذين التصورين نجد تصورا اخر يتبناه الفيلسوف ( ذكر اسمه ) الذي يعتقد بأن ( اطروحته ) ..

6 - التركيب .

كنحاول في المرحلة  لخص التحليل والمناقشة لي وصلت ليهم ( في سطرين أو ثلاثة ) ..

ممكن نكتب في التركيب ديالي مايلي : 

 يتبين من خلال ما سبق ذكره في التحليل والمناقشة وجود تصورين متعارضين .. فالتصور الأول يتبناه ( ذكر صاخب النص ) في حين أن التصور الثاني يتبناه ( الفيلسوف الاخر ) والذي ذهب إلى ... 

أخيرا الخلاصة ..

ممكن نكتب في الخلاصة ديالي مايلي : 

يمكن أن نستخلص من خلال معالجتنا لمفهوم ( مفهوم الذي قمت بتحليله ومناقشته ) بأنه مفهوم غني بالنقاش فهذا المفهوم لا يمكن حصره في تصور او اثنين بل هو قابل للدراسة من مختلف الزوايا والرؤى ..
وقد وقفتا عند أطروحة صاحب النص الذي أكد على أن مفهوم ( شرح موقفه باختصار ) هذا بخلاف الفيلسوف ( الفيلسوف المعارض ) الذي تبنى أطروحة مغايرة تماما لما جاء به صاحب النص إذ ذهب الى الإعتقاد بأن ( اطروحته باختصار ) .. ولكن مع كل ذلك فإن مفهوم ( ذكر المفهوم ) يبقى مفهوما قابل للدراسة والنقاش ..
ممكن في نهاية التحليل ديالك تخرج بموقف شخصي متعلق بيك كيبين مدى الفهم ديالك للنص ..

في النهاية نتمنى يكون هاد الشرح البسيط قدر يفيدكم، وكل النجاح والتوفيق للجميع ان شاء الله

أفضل منهجية لتحليل قولة فلسفية 2022 : 

https://roohtafalsof.blogspot.com/2022/06/2022_7.html?m=1